NAZIOARTE MAILAKO LEHIAKETARA ITZULIKO DA MAIDER UNDA

Erronka bikoitza izango du borrokalari arabarrak, pisu berrira eta borroka saioen iraupen berrira egokitzearekin, bere arerioak iaztik arau berriekin lehiatzen ari diren bitartean. 

Maider Unda, olinpiar dominaduna 2012ko Londreseko Jokoetan, nazioarte mailako txapelketetara itzuliko da asteburu honetan amatasunaren ondorioz egindako etenaldiaren ondoren. Irailean jaio zen bere alaba Iraide eta irailean bertan ekin zion berriz entrenatzeari Luis Crespo bere prestatzailearen aginduetara, biak 2016ko Rioko Jokoei begira jada.