lehenengo ziklokoak igerilekora joan ziren

Lehenengo ziklokoak eskolak antolatutako igerilketa ikastaroa egiten ibili dira apiriletik, maiatzaren 21an azken klasea izango dute. Denak oso ondo pasatu dute igerilekuan. Heziketa fisikoko maixuarekin, Ibairekin, joaten dira.

UDABERRIKO EMANALDIA

Udaletxe aurrean, 19-etan(7:00) ekainaren 9an Berriatuko Tarine musika eskolak kontzertua antolatuko du. Bertan hainbat pertsonek instrumentuak joko dituzte eta kantatu ere egingo dute. Ikasturtean egindako lan denaren fruituak ikusteko, denok gonbidatuta zaudete!

ESKOLARA AITOR RUBIO DATOR

2012ko ekainaren 13an (datorren asteazkenean) Aitor Rubio dator Xabier Enbeitarekin bertsotan egitera eta kantatzera. Eskolako denok jantokian batuko gara eta liburuxka batzuk emango dizkigute kantatzeko.
OSO ONDO PASATZEN
DUGU KANTATZEN!!!

Berriatuko V. kinttopeko idi probak

Datorren ekainaren 9 eta 11n ospatuko dira aurtengo Kinttopeko Idi Probak. Zapatu gaueko 10etan hasita arituko dira ZUBIBARRI, SOARTE eta URRUTIA. Astelehen gaueko 10etaik aurrera ARRIALDE, OLIDEN eta BIZKARRE, eta egun bietako emaitzak ikusita sari banaketa egingo da proben ostean.

Selektibitate probak hasi dituzte gaur Hego Euskal Herrian

11.023 ikasle unibertsitatean sartzeko probak egiten hasi dira gaur Hego Euskal Herrian, 09:00etan. Urte osoan esperotako azterketa heldu zaie, nahi duten hori edo ahal duten hori ikasten hasi aurretik igaro beharreko azken langa. Ostiralera arte izango dituzte probak.

Nafarroan 2.710 lagunek egingo dute; EAEn, berriz, 8.300 bat inguruk. Nafarroan ikasleen laurdenak egingo du proba euskaraz, eta Araba, Bizkai eta Gipuzkoan 10etik 6 ikaslek.
Pasa den urtean Kimikako euskarazko azterketan oker adierazitako ariketa batek eragindako trabak ekiditeko asmoz, koordinatzaile guztiak elebidunak izango dira aurten, eta batzorde berezi bat ere sortu dute, azterketak guztien artean ikuskatzeko.

HH3koek brotxeta

HH3koek, 2012ko maiatzaren18an, fruta brotxetak egin zituzten. Brotxetak egiteko: lehenengo makilak ekarri,ondoren, fruta zatiak mahai gainean plateretan jarri. Lehenengo, platano zati bat jarri zuten, ondoren mallukia eta azkenik madaria. Bakoitza bi aldiz jarri ondoren, jan egin zituzten. Pila bat gustatu zitzaien brotxeta!!!

GETXORA BIDAIA

HHko 4 eta 5 urte, LH 1 eta 2ko ikasleak Getxora joan ziren antzerkia ikustera.  "Armiarma eta elefantea" izeneko antzerkia ikusi zuten.Gehienei asko gustatu zitzaien.
Amaitu zenean, plaza batean bokata jan zuten eta ondoren, eguraldi txarra zegoenez, autobusera joan ziren.