San Ignazio kaleko 26. zenbakian gertatu da sutea, 6. solairuan. Zehatz esateko etxebizitzako sukaldean gertatu da sutea. Txikia izan bada ere, etxebizitzako bizilagunak larrialdietara deitu du eta harek Ertzaintza, udaltzainak eta suhiltzaileak mugiarazi ditu. Ertzaintzak 16:45ean jaso du sutearen abisua.Udaltzainak izan dira lehenak heltzen. Atzetik, jarraian, ertzainak ailegatu dira. Dena dela, ertzainak ailegatu orduko, etxebizitzako bizilagunak sutea itzalita zeukan.
Ke asko atera dela esan dute auzotarrek. Eta horregatik, suhiltzaileen lana kea kentzea izan da. Ez da egon ez zauriturik ez eta aparteko garrik ere. Dena dela, gertakizunak alarma piztu du herrian. Izan ere, suhiltzaileen kamioia, Ertzaintza eta udaltzainak leku berean ikusteak auzotarren ezinegona sortu du.
No hay comentarios:
Publicar un comentario